der swiss deutsch thread(nur schweizerdeutsch schreiben)

[Alonso]

Morge zäme

Weni mi aktuell Stand ahluege isch das mit em Schlafe de no nid so sicher..

[mikezzz]

Werum de o??? Fahre darfsch eh nümm...

[lukas85]

Zitat von Alonso

Weni mi aktuell Stand ahluege isch das mit em Schlafe de no nid so sicher..

Hesch no so viel zum schruube?

[Alonso]

Viel ds lang verplämperet, ds viel vorgno, Teili wo nid si ihtroffe - und no es paar Problem - also nid so wild Irgendöppis fahrbars bringeni schono zäme bis zum Weekend..

[lukas85]

So nachem Motto

Yippiejajayippieyippieyeah!

[Alonso]

Genau

Ds schlimmschte isch - ich cha nid mau öpper tschuld gäh

Morn abe sött die erschti Fahrt us eigeter Chraft stattfinde das Jahr. Am Fritig no am Stoubsuger ds Outo zeige, das flicke wo am Mittwuch nid het gha - und guet isch

[lukas85]

Das tönt doch guet

[poffmoff]

Zitat von Alonso

Irgendöppis fahrbars bringeni schono zäme bis zum Weekend..

wede di bis em donschti morge meudisch, chasch eini vo mine ha.. de wäri wenigschtens teilwis em träffe awäsend si eh beidi iglöst

[Alonso]

Das heisst du bisch tatsächlech nid derbii?

[mikezzz]

ändu: so öppis gits nid. du muesch cho
mike: pass uf, dass di stoubsuger de nid grad säubschtmord macht . we me der öppis cha häufe, de seisch es... irgendwenn findeni sicher es paar stund, woni bessers cha mache aus schlafe...

[poffmoff]

nee leider nid wenis cha verantworte chani ev mau 1-2 stung verbicho, aber meh ganz sicher nid si no z weni lüt, abem juni simer när 4 pro schicht, die ferie woni ab denn igä ha si aui anstantslos gnämiget worde...

[Alonso]

Züri; Isch ja nid mi stoubsuger, das isch de dr Landi ihres Problem

Hanget alles chli dervo ab wies am Mittwuch louft. Aktuell isches no dert zwüsche em Uslassghüs und em Block undicht (das Teili womer ja denn bir Blaue hei abgschrubet). Luschtigerwiis merkt me das natürlech ersch wenn der Motor warm isch - u für das mues ja o wieder alles zäme si..

Sowiit wäri am Samstig bereits gsi - we da nid e Pfütze wär underem Outo entstande bim ihstelle vom ZZP.. Meh ahzieh getroue mi nüm - das isch e Stell woni ke Schrube wett abmurkse

Morn abe also nomau nöi das ganze.. Die andere offene Pünkt hani geschter sowiit gschafft bis uf es paar Chlinigkeite.

[mikezzz]

OK, de geits. Wünsche ömu fangs viu Erfoug hinech...

[Alonso]

I dänkes o - wie gseit - öppis fahrbars bringeni zäme. Die unseriöse Sache wärde aber dr Wäg nüm vollständig ids Outo finde - isch aber o nid so tragisch.

[Alonso]

Statusupdate: Komplett, dicht und louft.

E usfüehrlechi Probefahrt isch allerdings no fällig, aber die isch ja de am Samstig