der swiss deutsch thread(nur schweizerdeutsch schreiben)

[lukas85]

Morge! Das wönschi der ou.

[Elmo]

hallo,
het mir öper am cheffe sis nummero? e söt paar sache vo de klinik wüsse und ha:-)

[haui_supra]

sali zeme
churzi frog. wei öper, ob irgendwer ide schwiz e mkiii het, wo e vorgführti nür spec drunter het (ne lords ned, i bruch de 7m-gte)

wer weis was, wer cha helfe?

[supra_driver]

Muesch zude DTC go eh Lärmmessig mache lah. Langed nid es anders DTC Guetachte z kopiere und mit dem go zeige. Aber susch kenni kenne wo das het, nur de Dani

[Alonso]

Genau, die Mässig bruchsch eh - isch aber kei riese Sach. Muesch nid mau zwingend zum DTC, giit ou diversi priiswärteri Alternative. Aber e Stock Nür Spec bringsch ohni Silencer tendenziell nid düre..

[Toyota Supra]

Chasch mau bim Strassäverchersamt fragä, öb iss machä. Z Friburg machä sis.

[haui_supra]

Zitat von Alonso

Genau, die Mässig bruchsch eh - isch aber kei riese Sach. Muesch nid mau zwingend zum DTC, giit ou diversi priiswärteri Alternative. Aber e Stock Nür Spec bringsch ohni Silencer tendenziell nid düre..

wie meinsch, stock nür?

[Alonso]

Stock = Original

[haui_supra]

Zitat von Alonso

Stock = Original

was muesi/söti demfal foändere
?

[haui_supra]

sorri han das gsetz nonig gnau studiert...

[Alonso]

Ohni Silencer schaffsch die Mässig niemals, sälbscht wenn beidi Kats drin si.

Plan A:
Entweder nachedämme oder e andere VSD ihschweisse, ergo das Ding kastriere.

Plan B:
Mit Silencer chönnts länge, wird denn halt eifach ziemlich sicher ou so ihtreit. Wenns dumm geit mues dä sogar verschweisst si dass sis überhoupt so abnäh. Ergo schowieder kastriert.

Churz gseit, ohni Kastration geit da nüüt. Ussert du bousch sie när wieder um, aber dr chasch dr dä Ufwand eh grad erspare und vo ahfang ah ilegal umefahre. Isch halt halt eini vode lüütischte Ahlage uf em Märt, und somit e sehr schlächti Basis zum legal fahre ir seriöse Schwiiz

[haui_supra]

okeeii
aso wasi mole ghört ha, (das isch eze e frog) sones hks-teili wo eigentli wie e chlappe isch.... oder ned nume wie sondern es isch eini... elektronisch gstüred... meinsch das wür lange? (und fals weisch wasi meine weisch ev au wis heist???)

Zitat von Alonso

Ohni Silencer schaffsch die Mässig niemals, sälbscht wenn beidi Kats drin si.

Plan A:
Entweder nachedämme oder e andere VSD ihschweisse, ergo das Ding kastriere.

Plan B:
Mit Silencer chönnts länge, wird denn halt eifach ziemlich sicher ou so ihtreit. Wenns dumm geit mues dä sogar verschweisst si dass sis überhoupt so abnäh. Ergo schowieder kastriert.

Churz gseit, ohni Kastration geit da nüüt. Ussert du bousch sie när wieder um, aber dr chasch dr dä Ufwand eh grad erspare und vo ahfang ah ilegal umefahre. Isch halt halt eini vode lüütischte Ahlage uf em Märt, und somit e sehr schlächti Basis zum legal fahre ir seriöse Schwiiz

[Alonso]

Erwähnenswärt isch zudäm, dass es e Verbiifahrtsmässig während dr Beschleunigung isch - somit also ou Rollgrüsch, Reife, Motor etc. derzue biitrage. D'Limite wird dür ds Boujahr bestimmt - und das si bir Supra irrtum vorbehalte stolzi 75dB - also bös gseit knapp Zimmerluutstärki

Die Klappe isch im Prinzip e eifachi Konstruktion - da giits diversi Sache uf em Markt. Biispielswiis ds Apexi ECV. Nach däm Prinzip giits unzählegi anderi Variante - mit/ohni Elektronik etc.
Chasch mit chli Talänt ou sälber boue, dr Breth het das damals z.B. so i sin Ändschalldämpfer integriert.


Bezüglech dr Legalität gö d'Meinige usenand - es giit Lüüt wo so sache hei chönne ihtrage - anderi si genauso dran gschiteret. Frag eifach mal dini MFK(s) ah was sie genau wänd vo dir - will die müesse das ganze schlussäntlich ou abnäh und i din Zettel ihtöggele. Dert chasch ruehig alli im Kanton ahfrage - da giits meischtens massiv anderi Ahsichte vo de Experte

[haui_supra]

merci, genau die chlappe hani gmeint grins

ja aso i han ghört, und bestättigt becho, das binre uspufflärmmässig auno gad anders itreit wird und wird das au gad mache... aber 75db? i mein, e orginali het doch scho me.... abe mol luege luege und nochli schlau mache danke dir vielmole fürd dinfo alonso

Zitat von Alonso

Erwähnenswärt isch zudäm, dass es e Verbiifahrtsmässig während dr Beschleunigung isch - somit also ou Rollgrüsch, Reife, Motor etc. derzue biitrage. D'Limite wird dür ds Boujahr bestimmt - und das si bir Supra irrtum vorbehalte stolzi 75dB - also bös gseit knapp Zimmerluutstärki

Die Klappe isch im Prinzip e eifachi Konstruktion - da giits diversi Sache uf em Markt. Biispielswiis ds Apexi ECV. Nach däm Prinzip giits unzählegi anderi Variante - mit/ohni Elektronik etc.
Chasch mit chli Talänt ou sälber boue, dr Breth het das damals z.B. so i sin Ändschalldämpfer integriert.


Bezüglech dr Legalität gö d'Meinige usenand - es giit Lüüt wo so sache hei chönne ihtrage - anderi si genauso dran gschiteret. Frag eifach mal dini MFK(s) ah was sie genau wänd vo dir - will die müesse das ganze schlussäntlich ou abnäh und i din Zettel ihtöggele. Dert chasch ruehig alli im Kanton ahfrage - da giits meischtens massiv anderi Ahsichte vo de Experte

[mhcruiser]

Guete Morge!

Sit Geschter het mini chruze o über 200'000km!